O Padre Feijoo. Cidadán libre da República literaria

Exposición con motivo do aniversario da morte deste ilustre ourensán

En conmemoración dos 250 anos da morte de Benito Jerónimo Feijoo Montenegro, máis coñecido como Padre Feijoo (26 de setembro de 1764), o Museo Arqueolóxico Provincial de Ourense ofrece esta exposición durante o último trimestre do ano 2014, coincidindo con ese aniversario.

A mostra considera a idea de renovar o interese sobre un dos personaxes claves do século XVIII e particularmente da Ilustración española. A través do discurso expositivo preténdese afondar na súa biografía, produción bibliográfica, homenaxes e diferentes aspectos vinculados á súa rexión de nacemento e formación.

É de resaltar que a súa figura supera os límites provinciais, tal é así que é considerado o fundador do ensaio filosófico en lingua castelá e autor principal dentro do movemento ilustrado. As súas obras, xa en vida, conseguiron unha extraordinaria difusión para a súa época con múltiples impresións, mentres era traducido a outros idiomas. Actualmente os seus escritos seguen sendo estudados dende moi diferentes aspectos, evidenciando a importante contribución de Feijooá cultura e avance do seu tempo.

Esta exposición conta cunha programación paralela de actividades didácticas para escolares, organizadas por nivel educativo. Nun principio, a exposición tiña previsto finalizar o 30 de novembro de 2014. Non obstante, tras o éxito desta, este calendario foi ampliado e estará aberto ao público ata o 18 de xaneiro de 2015.

Localización Escaleiras de Santa María Nai, Nº 1 (Praza Maior). C.P 32005, Ourense

Data 13/10/2014 - 18/01/2015

Horario 11.00 - 13.30 h / 18.30 - 21.30 h

Teléfono 988 223 884

Email mapour@xunta.es

Web http://www.musarqourense.xunta.es/

Vota:
Eventos máis próximos
click me