Día das Letras Galegas

O homenaxeado deste ano é o escritor, etnógrafo e político Xosé Filgueira Valverde

Xosé Filgueira Valverde (28.10.1906 – 13.9.1996) foi esencialmente traballo, ciencia e humanismo práctico. Foi dos que puxeron en práctica a idea de Cuevillas de que calquer traballo, grande ou pequeno, duro ou levián, que emprendades en nome de Galicia, é sempre sementeira. Soubo atravesar unha ditadura, axeitándose o imprescindible ó sistema, pero sen ceder nunca do seu obxectivo de aumenta-la nosa ciencia e conciencia de Galicia, porque a ciencia e a conciencia de si é a columna vertebral de calquera pobo.

Pero Filgueira foi tamén home de acción, artellando o Seminario de Estudos Galegos, o Instituto de Estudios Gallegos Padre Sarmiento, a Editorial de los Bibliófilos Gallegos; foi alcalde para facer medrar Pontevedra salvando a súa zona histórica; foi procurador en Cortes para impulsa-la mellora estrutural das cousas e conseguir nas Cortes Españolas, en pleno 1970, a presenza legal do galego no ensino. Se a isto sumámo-la obra inmensa no Museo de Pontevedra e o pulo que lle deu ó Consello da Cultura Galega, faise realidade a profecía de Bóveda de que alí onde esteña Filgueira haberá sempre un obreiro da Causa galega.

|Consello da Cultura por Xesús Ferro Ruibal

Vota:
Outras recomendacións
click me
  • Impulsamos o crédito ao comercio
    Impulsamos o crédito ao comercio
    link
  • Dos días escuros
    Dos días escuros
    link
  • pangkal beraksi JUDI DOMINOQQ ONLINE maksimal DAN AMAN
    pangkal beraksi JUDI DOMINOQQ ONLINE maksimal DAN AMAN
    link
  • As palabras poden matar
    As palabras poden matar
    link
  • La salud como negocio
    La salud como negocio
    link
  • Revista Son de Letras – Outono 2018
    Revista Son de Letras – Outono 2018
    link