Oso, mamá, si?

Coidado... coidado, ti, lector; amodo, pois este libro que tes nas túas mans agora mesmo é fráxil coma o punto xusto máxico de unión de dúas cereixas nos días de primavera

Así é. Aínda que este Oso, mamá, si? é brutalmente sincero coma un temporal na fisterra máis atlántica e animal. O poemario, de innovadora linguaxe poética, susúrranos ao oído, moi baixiño, a maxia, por unha banda, e a brutalidade por outra, que se agocha en algo tan especial como é a maternidade. Pero non só, pois Oso, mamá, si? non é un libro sobre a maternidade… non; este novo poemario de María Lado, fala de todo iso co que irremediablemente conectamos nas nosas vidas, independentemente de quen sexamos; todo ese amor que desprendemos, o medo ao paso do tempo, a nosa evolución persoal, as dúbidas invernais, a calor que acentúa cada caricia, cada aperta… en definitiva, do longo e escarpado camiño vital que percorremos todos e cada un de nós.

María Lado (Cee, 1979) é autora de cinco títulos de poesía: A primeira visión (1997), casa atlántica, casa cabaret (Xerais, 2001), berlín (2005), nove (2008) e Amantes (2011). Publicou tamén o álbum infantil Porque Cuqui non quere ir á lavadora (2014). Poemas seus aparecen recollidos en ducias de libros colectivos e forman parte de diversas antoloxías. O seu interese polo recital poético levouna a formar parte de diferentes proxectos que exploran distintas fórmulas para o achegamento da poesía ao público maioritario. Seguindo esta idea, foi unha das fundadoras do colectivo Poetas da Hostia, creadores dos recitais-combate A hostia en verso, a poxa de poetas Vendo a miña alma e o exercicio de escrita en directo O seu poema, grazas. En colaboración coa Casa da Esquina (Coimbra) estreou o espectáculo Nove, baseado no poemario homónimo e dirixido por Ricardo Correia. Mantén dende hai dez anos varios espectáculos coa poeta Lucía Aldao, dos que salienta Onde estea un cubata que se quite un soneto, Moita poesía pouca diversión, Con dez poemas por barba ou After.

Vota:
Outras recomendacións
click me
  • Augusta e os seus medos
    Augusta e os seus medos
    link
  • Cuarto minguante
    Cuarto minguante
    link
  • Amor en alpargatas
    Amor en alpargatas
    link
  • Criaturas, a nova revista dixital galega de literatura infantil e xuvenil
    Criaturas, a nova revista dixital galega de literatura infantil e xuvenil
    link
  • Web móvil para reserva de libros de texto
    Web móvil para reserva de libros de texto
    link
  • pangkal beraksi JUDI DOMINOQQ ONLINE maksimal DAN AMAN
    pangkal beraksi JUDI DOMINOQQ ONLINE maksimal DAN AMAN
    link