Este sábado ao mediodía, no decurso dun acto na sede de Afundación de Vigo, deuse a coñecer o ditame da XLVIª edición dos Premios da Crítica da Galiza nas súas modalidades de Creación Literaria, Investigación, Música, Iniciativas Culturais e Científicas, Artes Plásticas, Artes Escénicas, Cine e Artes Audiovisuais e Cultura Gastronómica. Desde comezos do mes de outubro, as 56 persoas compoñentes dos oito xurados, que se unen ás case 1.500 participantes ao longo de toda a súa historia, traballaron e ditaminaron de forma virtual sobre as propostas presentadas libremente por editoras, produtoras e outras entidades culturais.
