A voz das librarías de Galicia fronte ao xenocidio en Palestina
Corren tempos de incerteza e de dor pola violencia extrema dun Estado, Israel, que leva xa demasiados meses masacrando á poboación palestina nunha serie de accións que só poden ser cualificadas como xenocidio. Ante esta realidade, o mundo da cultura e, en particular, o sector do libro, ten a responsabilidade de erguer a súa voz. As librarías de Galicia non podemos permanecer silentes ante o que está a acontecer en Palestina. Estamos convencidas de que os libros son unha ferramenta esencial para a comprensión, a denuncia e a solidariedade, e que é o noso deber ético pór o foco no xenocidio e denuncialo desde todas as canles coas que contamos.
Non se trata tan só de que os libros sexan testemuñas do que está a acontecer: son tamén a base para que non se borre a memoria dun pobo. A limpeza étnica busca destruír vidas e territorios, mais tamén unha identidade e unha arte con séculos de historia. Por iso, a importancia de protexer e difundir a cultura palestina é máis importante ca nunca. Cada libro queimado, cada arquivo esnaquizado, cada poeta asasinada é un golpe contra a humanidade toda. Por iso, preservar e difundir a cultura palestina converteuse nunha forma de resistencia contra o esquecemento e a negación da existencia do pobo de Palestina.
As librarías de Galicia queremos reafirmamos no noso compromiso histórico coa paz, a xustiza e os dereitos humanos. Nós sempre fomos refuxio para as ideas libres, o debate aberto e os pensamentos críticos. Hoxe, máis ca nunca, queremos converter as nosas librarías en trincheiras da memoria e da dignidade humana. Non podemos ser cómplices do silencio mentres se comete un xenocidio ante os nosos propios ollos e os do mundo enteiro. É a nosa responsabilidade achegar ás lectoras e lectores as voces que denuncian esta realidade e os libros que contribúen a comprender as raíces históricas deste conflito. Porque son os libros armas poderosas fronte á barbarie.
Convidámosvos a pasar polas nosas librarías e coñecer de primeira man os libros que temos ao voso dispor sobre Palestina. A través desta coidada selección de libros de ensaio, narrativa e poesía, ofrecemos ferramentas para entender a complexidade da situación palestina. Desde as análises rigorosas de historiadores como Ilan Pappé até as voces emocionadas de autoras como Adania Shibli, pasando pola poesía de resistencia e os testemuños das mulleres palestinas, esta bibliografia convida a unha reflexión profunda sobre a xustiza, a memoria e a solidariedade. Cada un destes títulos é unha xanela aberta á comprensión dunha realidade que non podemos seguir a ignorar.
Hoxe, ler sobre Palestina é un acto de resistencia contra a desinformación e o esquecemento. É unha forma de honrar a memoria das vítimas e de apoiar a loita dun pobo que resiste con dignidade.
LISTADO LIBROS SOBRE PALESTINA
Ensaio
- Palestina. Anatomía de un genocidio. VVAA. Txalaparta-Tinta de Limón-LOM ediciones.
- Un siglo deresistencia en Palestina. Historias de solidaridad y activismo. Txus Blanco Fernández. Prólogo de Alys Samson Estapé e a colaboración de Maha Abdallah. Icaria.
- Historia del movimiento de mujeres en Palestina. MAra Gijón Medigutia. Txalaparta.
- Palestina. Heredar el futuro. Luz Gómez. Catarata.
- ¡Y el pájaro voló!. Montserrat Rabadán Carrascosa. Miraguano Ediciones
- BDS por Palestina. Luz Gómez (ed). Ediciones del Oriente y del Mediterráneo
- Hijas de la Nakba. Voces de mujeres palestinas. Estela Vidal (entrevista). Ediciones el Salmón
- Historia oculta de la creación del estado de Israel. Alison Weir. Capitán Swing
- Palestina, la tierra estrecha. Crónicas de la ocupación israelí. Beatriz Lecumberri. Editorial Big Sur
- Palestina: la existencia negada. Teresa Aranguren Amézola. Ediciones del Oriente y del Mediterraneo
- Reconocer al extraño. Sobre Palestina y el relato. Isabella Hammad. Editorial Anagrama
- Sobre Palestina. Hannah Arendt. Taurus
- Palestina. Khalidi, Rashid. Capitán Swing
- La limpieza étnica de Palestina. Pappé, Ilan. Booket
- Brevísima historia do conflito entre Israel e Palestina. Illan Pappé, traducida por Carlos Aymerich. Editorial Galaxia
- La cuestión palestina. Said, Edward W. DeBolsillo
- Nuevas crónicas palestinas. Edward W. Said. DeBolsillo
- Palestina.Paz sin territorios. Edward W. Said. Txalaparta
Narrativa
- El sueño del olivar. Una historia de Palestina. Deborah Rohan. DeBolsillo.
- Palestina en pedazos. Lina Meruane. Random House.
- Un detalle menor. Shibli, Adanía. Hoja de lata.
- Um detalhe menor. Shibli, Adanía. Hoja. D Quixote (portugués).
- Gaza no se calla. Gaza responde. R. Alareer e L.e-Haddad (eds). Irrecuperables
- Guerra medioambiental en Gaza. Shourideh Molavi. Levanta Fuego
- Las violaciones de los derechos fundamentales de Israel. Claves históricas y jurídicas. Siba Irsheid. Asociación Los libros de la Catarata
- O azul entre o ceo e auga. Susan Abulhawa. Rocío Viéitez Ferro(trad). Editorial Laiovento
- Saboreando el cielo. Una infancia Palestina. Ibtisam Barakat. Editorial Bambú
- Un mapa do lar. Randa Jarrar. Benxamín Constante(trad). Editorial Hugin e Munin
Poesía
- Cantos de dor e liberdade. Voces galegas por Palestina. VVAA. Tempo Galiza Editora
- Somos palestinos. Una celebración de la cultura y la tradición. Reem Kassis, Noha Eilouti. Art Blume
- A balada do exilio, de Xulio Cid Neira (Saurobuks)
Álbum Ilustrado
- Mi olivo. Hazar Elbayya. Edicions Bellaterra
Banda deseñada
- Guerra en Gaza, Joe Sacco. Rinoceronte editora
